గోండుల కట్టడాలను సంరక్షించాలి
ABN , First Publish Date - 2022-12-19T00:52:54+05:30 IST
తెలంగాణలోని గోండుల కట్టడాలను ప్రభుత్వం సంరక్షించాలని తుడుందెబ్బ జిల్లా ప్రధాన కార్యదర్శి పుర్కబాపురావు అన్నారు.
ఉట్నూర్‌, డిసెంబర్‌18: తెలంగాణలోని గోండుల కట్టడాలను ప్రభుత్వం సంరక్షించాలని తుడుందెబ్బ జిల్లా ప్రధాన కార్యదర్శి పుర్కబాపురావు అన్నారు. ఆదివారం మహారాష్ట్రలోని చంద్రపూర్‌లో గోండు రాజుల కోటను సందర్శించి పరిశీలించిన సందర్భంగా అక్కడి ప్రభుత్వం పురాతన కోటలను కంటికి రెప్పల కాపాడుతోందని, నాటి గోండు రాజుల కట్టడాలు, సాంస్కృతి ఉట్టిపడేలా ఉన్నాయన్నారు. అనంతరం మహంకాళి ఆలయాన్ని సందర్శించి దర్శనం చేసుకుని ప్రత్యేక పూజలు చేశారు. ఆ తర్వాత ఉట్నూర్‌లోని గోండుల కోట అంతరించి పోతున్నందున ప్రభుత్వం కాపాడే ప్రయత్నాలు చేయాలని ఆయన కోరారు. ఆయన వెంట విద్యార్థి సంఘం మండల అధ్యక్షుడు చిత్రు, కోరేంగ మారుతి, తదితరులు ఉన్నారు.
