Revanth Reddy: కల్వకుంట్ల కుటుంబానికి వాత పెట్టడం ఖాయం
ABN , First Publish Date - 2022-12-12T13:11:06+05:30 IST
సీఎం కేసీఆర్‌పై పీసీసీ అధ్యక్షుడు రేవంత్‌రెడ్డి ట్విట్టర్ వేదికగా విమర్శలు గుప్పించారు. అరచేతిలో వైకుంఠం చూపించడంలో కేసీఆర్ ఆరితేరిపోయారని ధ్వజమెత్తారు
హైదరాబాద్: సీఎం కేసీఆర్‌పై పీసీసీ అధ్యక్షుడు రేవంత్‌రెడ్డి ట్విట్టర్ వేదికగా విమర్శలు గుప్పించారు. అరచేతిలో వైకుంఠం చూపించడంలో కేసీఆర్ ఆరితేరిపోయారని ధ్వజమెత్తారు. ఈ మేరకు ఆయన ఆంధ్రజ్యోతి పేపర్‌లో ప్రచురితమైన ‘సమస్యల సావాసాల’ ఆర్టికల్‌ను ట్వీట్ చేస్తూ ముఖ్యమంత్రిపై మండిపడ్డారు. ‘‘ఒక వాసాల మర్రేమిటి...! మొత్తం తెలంగాణ.. కేసీఆర్ మాయ మాటలతో మోసపోయింది. ఎనిమిదేళ్లుగా కేసీఆర్ మాటలు వినీ వినీ ప్రజలు విసిగిపోయారు. కల్వకుంట్ల కుటుంబానికి కర్రుకాల్చి వాతపెట్టేందుకు సిద్ధంగా ఉన్నారు.’’ అంటూ రేవంత్‌రెడ్డి దుయ్యబట్టారు.
