ఘనంగా మహాసరస్వతి పూజ
ABN , First Publish Date - 2022-10-03T05:52:44+05:30 IST
వేములవాడ రాజరాజేశ్వర క్షేత్రంలో ఆదివారం పుస్తక రూపిణి మహాసరస్వతి పూజ ఘనంగా నిర్వహించారు. శరన్నవరాత్రి ఉత్సవాల్లో ఏడో రోజైన ఆశ్వయుజ శుద్ద సప్తమి సందర్భంగా రాజరాజేశ్వరిదేవి అమ్మవారు కాళరాత్రి అవతారంలో భక్తులకు దర్శనమిచ్చారు.
- కాళరాత్రి అలంకారంలో అమ్మవారి దర్శనం
వేములవాడ, అక్టోబరు 2: వేములవాడ రాజరాజేశ్వర క్షేత్రంలో ఆదివారం పుస్తక రూపిణి మహాసరస్వతి పూజ ఘనంగా నిర్వహించారు. శరన్నవరాత్రి ఉత్సవాల్లో ఏడో రోజైన ఆశ్వయుజ శుద్ద సప్తమి సందర్భంగా రాజరాజేశ్వరిదేవి అమ్మవారు కాళరాత్రి అవతారంలో భక్తులకు దర్శనమిచ్చారు. ఈ సందర్భంగా ఆలయ స్థానాచార్యులు అప్పాల భీమాశంకర్‌ నేతృత్వంలో అర్చకులు, వేదపండితులు అమ్మవారికి అభ్యంగన స్నానం, మహాభిషేకం, లలిత సహస్రనామ సహిత చతుష్షష్ట్యోపచార పూజలు నిర్వహించారు. మూలానక్షత్రం సందర్భంగా ఉదయం 9 గంటలకు పుస్తక రూపిణి మహాసరస్వతి పూజ, సాయంత్రం అష్టావధాని తిగుళ్ల శ్రీహరిశర్మ శ్రీదేవి భాగవత పురాణ ప్రవచనం, కన్యకాసువాసిని పూజ నిర్వహించారు. బాలాత్రిపురసుందరి అమ్మవారు, మహిషాసుర మర్ధిని అమ్మవారు, బద్దిపోచమ్మ అమ్మవార్లకు ప్రత్యేక పూజలు చేశారు.
