Road Accident: ఆగివున్న డీసీఎంను ఢీకొన్న కారు.. ఇద్దరు మృతి
ABN , First Publish Date - 2022-10-28T15:10:21+05:30 IST
జిల్లాలోని ఇటిక్యాల మండలం ధర్మవరం స్టేజి దగ్గర 44వ నెంబర్ జాతీయ రహదారిపై శుక్రవారం ఘోర రోడ్డు ప్రమాదం జరిగింది.
జోగులాంబ గద్వాల: జిల్లాలోని ఇటిక్యాల మండలం ధర్మవరం స్టేజి దగ్గర 44వ నెంబర్ జాతీయ రహదారిపై శుక్రవారం ఘోర రోడ్డు ప్రమాదం జరిగింది. ఆగి ఉన్న డీసీఎంను ఓ కారు బలంగా ఢీకొట్టింది. ఈ ప్రమాదంలో కారులో ప్రయాణిస్తున్న ఇద్దరు అక్కడికక్కడే మృతి చెందగా.. మరో ఇద్దరు తీవ్రంగా గాయపడ్డారు. సమాచారం అందిన వెంటనే పోలీసులు అక్కడకు చేరుకుని గాయపడిన వారిని కర్నూలు జిల్లా ఆస్పత్రికి తరలించారు. కారు హైదరాబాద్ నుంచి కర్నూలు వైపు వెళ్తుండగా ప్రమాదం జరిగింది. మృతులు నిజామాబాద్ జిల్లా బాల్కొండకు చెందిన వారుగా గుర్తించారు. ప్రమాదంపై పోలీసులు కేసు నమోదు చేసి దర్యాప్తు చేపట్టారు.
