రూ.50 కోట్లతో ఐదు 33/11 కేవీ సబ్‌స్టేషన్లు

ఎమ్మెల్యే గూడెం మహిపాల్‌రెడ్డి

పటాన్‌చెరు/జిన్నారం, నవంబరు 28: నియోజకవర్గంలో నాణ్యమైన విద్యుత్‌ సరఫరా కోసం రూ. 50 కోట్లతో ఐదు భారీ 33/11కేవీ సబ్‌స్టేషన్‌లను ఏర్పాటు చేస్తున్నామని ఎమ్మెల్యే గూడెం మహిపాల్‌రెడ్డి తెలిపారు. సోమవారం టీఎ్‌సఎ్‌సపీడీసీఎల్‌ డైరెక్టర్‌ శ్రీనివా్‌సరెడ్డితో విద్యుత్‌ సౌధలో సమావేశమై సమస్యలపై చర్చించారు. మంత్రి హరీశ్‌రావు ఆదేశాల మేరకు ఐదు సబ్‌స్టేషన్‌లను ఏర్పాటు చేసేందుకు సంబంధిత అధికారులు అంగీకరించారన్నారు. ఈ మేరకు డైరెక్టర్‌ శ్రీనివా్‌సరెడ్డితో కలిసి సబ్‌స్టేషన్‌లను ఏర్పాటు చేసే ప్రాంతాలపై ప్రతిపాదనలు అందజేశామన్నారు. అమీన్‌పూర్‌ చక్రపురికాలనీ, భ్రమరాంభిక మల్లికార్జున ఆలయ గోశాల, పటాన్‌చెరు జీఎంఆర్‌ ఫంక్షన్‌హాల్‌, సింఫనీ పార్కుకాలనీ, తెల్లాపూర్‌ మున్సిపాలిటీ పరిధిలో ఉన్న ప్రాంతాల్లో సబ్‌స్టేషన్‌లను ఏర్పాటు చేస్తున్నామన్నారు. వారం రోజుల్లో పనులను ప్రారంభిస్తామన్నారు. కాగా పటాన్‌చెరు డివిజన్‌ పరిధిలోని పలు కాలనీల్లో రూ.ఐదు కోట్లతో చేపడుతున్న పలు అభివృద్ధి పనులకు ఎమ్మెల్యే, కార్పోరేటర్‌ మెట్టుకుమార్‌యాదవ్‌ శంకుస్థాపన చేశారు. అలాగే రెండు రోజులుగా పటాన్‌చెరు మైత్రీ స్టేడియంలో నిర్వహించిన జీఎంఆర్‌ క్రికెట్‌ టౌర్నమెంట్‌ వేడుకలు అట్టహాసంగా ముగిశాయి. కేబీఎన్‌ యంగ్‌స్టార్‌ అసోసియేషన్‌ ఆధ్వర్యంలో ఏర్పాటు చేసిన జీఎంఆర్‌ క్రికెట్‌ టోర్నమెంట్‌లో విజేతలకు ఎమ్మెల్యే రూ.1.75లక్షల ప్రైజ్‌మనీ, ట్రోఫీలను అందజేశారు. కాగా బొల్లారం మున్సిపాలిటీలో రూ.8.35 కోట్లతో చేపట్టే పలు అభివృద్ధి పనులకు ఎమ్మెల్యే మహిపాల్‌రెడ్డి శంకుస్థాపన చేశారు. కార్యక్రమంలో మున్సిపల్‌ చైర్‌పర్సన్‌ రోజారాణి, కౌన్సిలర్లు చంద్రారెడ్డి, హన్మంతరెడ్డి, బీరప్ప, సతీష్‌, శైలజ, కమిషనర్‌ రాజేంద్రకుమార్‌ పాల్గొన్నారు.