Munugode Bypoll: మునుగోడు ఉప ఎన్నికలో భారీ బెట్టింగ్‌లు..

నల్గొండ: మునుగోడు ఉప ఎన్నిక నేపథ్యంలో భారీ బెట్టింగ్‌లు జరుగుతున్నాయి. బెట్టింగ్ మాఫియా రంగంలోకి దిగింది. ఒకటికి రెండింతలు అంటూ కోట్ల రూపాయల బెట్టింగ్ జరుగుతోందని, రూ. 100 కోట్ల బెట్టింగ్ జరిగే అవకాశం ఉందని అంచనా... హైదరాబాద్ హోటల్స్‌లో బూకీలు తిష్టవేశాయి. మధ్య వర్తులుగా ఏజంట్స్‌ను ఏర్పాటు చేసుకొని అడ్వాన్స్‌లు చెల్లించారు. ఐపిఎల్ తరహాలో ఎన్నికల బెట్టింగ్ జరుగుతోంది. పోలింగ్ పర్సంటేజ్‌పై కూడా బెట్టింగ్‌లు కాస్తున్నారు. రౌండ్ రౌండ్‌కు పోలంగ్‌పై బెట్టింగ్‌కు బూకీలు సిద్దమవుతున్నారు. ఆయా పార్టీల గెలుపులు, మెజార్టీలపై బెట్టింగ్‌లు కాస్తున్నారు. డిపాజిట్ సాధించేదెవరు? కోల్పోయేదెవరు? అనే అశంపై సైతం బెట్టింగ్‌లు జరుగుతున్నాయి. ఈ బెట్టింగ్‌పై పోలీసులు నిఘా పెట్టారు. టాస్కఫోర్స్, ఎస్వోటీ నిఘా పోలీసులు రంగంలోకి దిగారు.