అనుమానాస్పద స్థితిలో యువకుడి మృతి
ABN , First Publish Date - 2022-12-24T01:00:06+05:30 IST
: మండలం పోచంపల్లి గ్రామంలో శుక్రవారం సా యంత్రం మేదరి వేముల నవీన్‌(21) అనే యువకుడు గ్రామ పక్కన ఉన్న వాగు వద్ద అనుమానాస్పద స్థితిలో మృతి చెందాడు.
వేల్పూర్‌, డిసెంబరు23: మండలం పోచంపల్లి గ్రామంలో శుక్రవారం సా యంత్రం మేదరి వేముల నవీన్‌(21) అనే యువకుడు గ్రామ పక్కన ఉన్న వాగు వద్ద అనుమానాస్పద స్థితిలో మృతి చెందాడు. గ్రామస్థులు తెలిపిన వివరాల ప్రకారం.. నవీన్‌తో పాటు సమీప బంధువు రాకేష్‌, చిం తలపల్లి నవీన్‌రెడ్డి ముగ్గురు కలిసి వాగులో ఉన్న నవీన్‌రెడ్డి వ్యవసాయ పంపు మర మ్మతు కోసం వెళ్లారు. పంపుసెట్టును సరిచేసిన తర్వాత ముగ్గురు బయటకు వచ్చారు. కాగా మేదరి వేముల నవీన్‌ చేపల కోసం నవీన్‌రెడ్డి పొలం కరెంటు డబ్బా నుంచి కరెంటు తీగను తీసుకొని వాగు నీళ్లలో పెట్టగా ప్రమాదవశాత్తు నవీన్‌కు కరెంటుషాక్‌ తగిలి మృతి చెందినట్లు సమీప బంధు రాకేష్‌ తెలిపాడు. నవీన్‌ తండ్రి రాజన్న ఆరు నెలల క్రితమే మృతి చెందాడు. తన కొడు కు నవీన్‌ ఎప్పుడూ చేపలు పట్టలేదని, ఎలా చనిపోయాడో అంతుపట్టడం లేదని తల్లి రాజమణి పేర్కొంది. నవీన్‌ మృతి అనుమానా స్పదంగా ఉందని సమాచారం తెలుసుకున్న వేల్పూర్‌ పోలీసులు సంఘటన స్థలానికి చేరుకొని వివరాలు సేకరించారు. నవీన్‌ ట్రాక్టర్‌ డ్రైవర్‌గా పని చేస్తున్నట్టు తెలిసింది.
