TS News: నిజామాబాద్‌లో భగ్గుమన్న పాతకక్షలు
ABN , First Publish Date - 2022-11-17T12:24:52+05:30 IST
జిల్లాలో పాత కక్షలు భగ్గుమన్నాయి. ఫిబ్రవరిలో దాడి చేసిన గ్యాంగ్ సభ్యుడిని ప్రత్యర్థి వర్గం కిడ్నాప్ చేసి ఆపై హత్యాయత్నానికి పాల్పడింది.
నిజామాబాద్: జిల్లాలో పాత కక్షలు భగ్గుమన్నాయి. ఫిబ్రవరిలో దాడి చేసిన గ్యాంగ్ సభ్యుడిని ప్రత్యర్థి వర్గం కిడ్నాప్ చేసి ఆపై హత్యాయత్నానికి పాల్పడింది. డైరీ ఫారం వద్ద మొన్న రాత్రి రిజ్వాన్‌ను పాగల్ ఇర్ఫాన్ మరి కొంతమందితో కిడ్నాప్ చేశాడు. అనంతరం నటరాజ్ థియేటర్ సమీపంలో రీజ్వాన్‌పై దాడి చేశారు. తీవ్రంగా గాయపడిన రిజ్వాన్‌ను స్థానికులు గమనించి ఆస్పత్రికి తరలించారు. గతంలో జంగిల్, ఇబ్బు అనే రౌడీషీటర్‌ల మధ్య జరిగిన దాడి ఘటనే ఈ కిడ్నాప్‌కు కారణంగా తెలుస్తోంది. ఇబ్బూ దొరకకపోవడంతో అతని తమ్ముడు రీజ్వాన్‌ను మరో వర్గం కిడ్నాప్ చేసింది. ప్రస్తుతం రిజ్వాన్ ఆస్పత్రిలో చికిత్స పొందుతున్నాడు. ఈ ఘటనపై పోలీసులు కేసు నమోదు చేసి దర్యాప్తు చేపట్టారు.
