Telangana Govt: కాలేజీ విద్యాశాఖలో 544 పోస్టుల భర్తీకి నోటిఫికేషన్

హైదరాబాద్‌: రాష్ట్రంలో మరో నోటిఫికేషన్ (Notification) విడుదలైంది. కాలేజీ విద్యాశాఖలో 544 పోస్టుల భర్తీకి నోటిఫికేషన్ వచ్చింది. జనవరి (January) 31 నుంచి ఫిబ్రవరి 20 వరకు అభ్యర్థుల నుంచి దరఖాస్తుల స్వీకరిస్తారు. అలాగే మున్సిపల్‌ శాఖలో 78 పోస్టుల భర్తీకి నోటిఫికేషన్‌ ఇచ్చారు. జనవరి 20 నుంచి ఫిబ్రవరి 11 వరకు దరఖాస్తుల స్వీకరిస్తారు. ఇంటర్‌, సాంకేతిక విద్యలో 71 పోస్టులకు నోటిఫికేషన్ విడుదల చేశారు. జనవరి 21 నుంచి ఫిబ్రవరి 10 వరకు దరఖాస్తుల స్వీకరిస్తారు. శుక్రవారం తెలంగాణ గ్రూప్-3 (Telangana Group-3) నోటిఫికేషన్ విడుదల చేసిన విషయం తెలిసిందే. 26 విభాగాల్లో 1,365 పోస్టులకు నోటిఫికేషన్ వచ్చింది. జనవరి 24 నుంచి ఫిబ్రవరి 23 వరకు ఆన్లైన్లో దరఖాస్తులు స్వీకరిస్తారు. అలాగే 5,204 స్టాఫ్‌ నర్సు (Staff Nurse)ల పోస్టులకు నోటిఫికేషన్‌ విడుదల చేశారు. జనవరి 25 నుంచి ఫిబ్రవరి (February) 15 వరకు ఆన్‌లైన్‌లో దరఖాస్తులు స్వీకరిస్తారు. తెలంగాణలో డీఎంఈ, డీహెచ్‌ పరిధిలో 3,823 పోస్టుల భర్తీ చేయనున్నారు. వైద్య విధాన పరిషత్‌లో 757 పోస్టులు భర్తీ చేయనున్నారు. తెలంగాణ ఎంహెచ్‌ఎస్‌ఆర్‌ బోర్డు ద్వారా నియామకాలు చేపడుతారు.