Uttam Kumar Reddy: టీడీపీ నుంచి వచ్చిన వాళ్లకే పదవులు

హైదరాబాద్‌: టీడీపీ (TDP) నుంచి వచ్చిన వాళ్లకే కొత్త కమిటీల్లో కొత్తవాళ్లకు చోటు కల్పించారని కాంగ్రెస్ నేత ఉత్తమ్‌కుమార్‌రెడ్డి (Uttam Kumar Reddy) విమర్శించారు. శనివారం ఆయన మీడియాతో మాట్లాడుతూ కడదాకా కాంగ్రెస్‌ (Congress)లోనే ఉంటానని స్పష్టం చేశారు. కొంత మంది పార్టీకి అన్యాయం చేస్తున్నారని తెలిపారు. కొంతమందిని అవమానపర్చేందుకే కమిటీలు నియమించారని విమర్శించారు. కాంగ్రెస్‌ను రక్షించేందుకునే బాధ్యత సీనియర్లపైన ఉందన్నారు. కమిటీల్లో 108 మందిలో 54 మంది వలస నేతలేనని గుర్తుచేశారు. కమిటీల కూర్పుపై మరోసారి హైకమాండ్‌ను కలుస్తామని తెలిపారు. అసలైన కాంగ్రెస్‌నేతలను కోవర్టులని ప్రచారం చేస్తున్నారని, కొంతమంది కావాలనే అసత్య ప్రచారం చేస్తున్నారని ఉత్తమ్‌కుమార్‌రెడ్డి ఆవేదన వ్యక్తం చేశారు. పార్టీని కాపాడుకోవాల్సిన బాధ్యత తమపై ఉందని కాంగ్రెస్ నేత దామోదర్‌ (Damodar) తెలిపారు. వలస వచ్చిన నేతలకే కమిటీల్లో పదవులు ఇచ్చారని, సోషల్‌ మీడియాలో కోవర్టులని ప్రచారం చేస్తున్నారని దామోదర్‌ విమర్శించారు.