ఐసీడీఎస్‌లో పోస్టుల భర్తీకి శ్రీకారం

వర్కర్లు, హెల్పర్లకు దరఖాస్తుల ఆహ్వానం.. జిల్లాలో 61 పోస్టులు ఖాళీ

అనంతపురం విద్య, మార్చి 22: అంగన్వాడీ వర్కర్లు, మినీ వర్కర్లు, హెల్పర్‌ పోస్టుల భర్తీకి అర్హులైన వారు 7 రోజుల్లోపు దరఖాస్తు చేసుకో వాలని ఐసీడీఎస్‌ పీడీ శ్రీదేవి బుధవారం ఒక ప్రకటనలో పేర్కొన్నారు. అనంతపురం ఐసీడీఎస్‌ ప్రాజెక్టు పరిధిలో 61 పోస్టులను భర్తీ చేస్తున్నట్లు ఆమె స్పష్టం చేశారు. అంగన్వాడీ వర్కర్లు, మినీ వర్కర్లు, హెల్పర్‌ పోస్టుల అనంతపురం అర్బన సీడీపీఓ ప్రాజెక్టులో 9 పోస్టులు, గుత్తి సీడీపీఓ ప్రాజెక్టులో 8 పోస్టులు, కణేకల్లులో 4 పోస్టులు, కళ్యాణదుర్గం ప్రాజెక్టులో 5 పోస్టులు, కంబదూరులో 2 పోస్టులు, కూడేరులో 5 పోస్టులు, రాయదుర్గంలో 8 పోస్టులు, శింగనమలలో 5 పోస్టులు, తాడిపత్రిలో 10 పోస్టులు, ఉరవకొండలో 5 పోస్టులు ఖాళీగా ఉన్నాయన్నారు. దరఖాస్తులు ఈ నెల 23వ తేదీ నుంచి స్వీకరిస్తారని తెలిపారు. దరఖాస్తులు సంబంధి త ప్రాజెక్టు కార్యాలయాల్లో పొంది, పూర్తి చేసిన వాటిని ప్రాజెక్టు కార్యాలయాల్లోనే అందజేసి, రసీదు పొందాలని సూచించారు. ఈ నెల 29వ తేదీ దరఖాస్తుల స్వీకరణకు ఆఖరి గడువని ఆమె పేర్కొన్నారు.