ప్రశాంత పురంలో కొత్త సమస్యలు సృష్టిస్తున్నారు..

ఆర్పీజీటీ రోడ్డు వీధిపేరు మార్పుపై మండిపడ్డ జనం

హిందూపురం, మే 29: ప్రశాంతంగా ఉన్న హిందూపురంలో వీ ధుల పేర్లు మార్చుతూ అధికార పార్టీ నాయకులు తీసుకుంటున్న నిర్ణయాలతో కొత్త సమస్యలు తలెత్తుతాయని ఆ ప్రాంత వాసులతోపాటు బీజేపీ నాయకులు మండిపడ్డారు. ఆర్పీజీటీ రోడ్డుకు వీధి పేరు మా ర్చుతూ మున్సిపల్‌ ఎజెండాలో పొందుపరచడాన్ని వ్యతిరేకిస్తూ సోమ వారం ఆందోళనకు దిగారు. విశ్వహిందూపరిషత, హిందూసంఘాలు, బీజేపీ నాయకులు, స్థానికులతో కలిసి పట్టణంలో ర్యాలీ చేపట్టారు. ఈ సందర్భంగా నాయకులు మాట్లాడుతూ పట్టణంలోని 30వ వార్డులో ఉ న్న ఆర్పీజీటీ రోడ్డు, దండు రోడ్డుగా పిలువబడే దానిని మార్చాలని ఆ ప్రాంత కౌన్సిలర్‌ ప్రయత్నిస్తున్నారని ఆరోపించారు. దీనిని వ్యతిరేకిస్తున్నామని, వెంటనే విరమించుకోవాలని కోరారు. లేనిపక్షంలో పెద్ద ఎ త్తున ఆందోళన చేపడతామని హెచ్చరించారు. హిందూపురంలో అన్ని మతాలవారు కలిసి సోదరభావంతో ప్రశాంతంగా జీవిస్తున్నారని, ఎ న్నో దశాబ్దాలుగా ఉన్న పేర్లను మార్చడం వల్ల లేని సమస్యలు వస్తాయన్నారు. అధికార పార్టీ నాయకులు అభివృద్ధివైపు చూడాలేతప్ప.. ఇలా పేర్లు మార్చడం సబబు కాదన్నారు. అనంతరం మున్సిపల్‌ కమిషనర్‌ ప్రమోద్‌కుమార్‌, ఇనచార్జి తహసీల్దార్‌ ప్రసాద్‌, మున్సిపల్‌ చైర్‌పర్సనకు వేర్వేరుగా వినతిపత్రం అందజేశారు.