సీకేపల్లిలో టీడీపీ ఫ్లెక్సీల చించివేత
ABN , First Publish Date - 2023-04-01T00:34:17+05:30 IST
మండల కేంద్రంలో టీడీపీ కార్యకర్తలు ఏర్పాటు చేసుకున్న పలు ఫ్లెక్సీలను గురువారం రాత్రి గుర్తు తెలియని వ్యక్తులు చించివేశారు.
చెన్నేకొత్తపల్లి, మార్చి 31: మండల కేంద్రంలో టీడీపీ కార్యకర్తలు ఏర్పాటు చేసుకున్న పలు ఫ్లెక్సీలను గురువారం రాత్రి గుర్తు తెలియని వ్యక్తులు చించివేశారు. టీడీపీ జాతీయ ప్రధానకార్యదర్శి నారాలోకేశ యువగళం పాదయాత్ర శుక్రవారం చెన్నేకొత్తపల్లి మీదుగా వెళ్తుండటంతో టీడీపీ కార్యకర్తలు ఉత్సాహంతో సీకేపల్లిలో భారీ ఎత్తున ఫ్లెక్సీలను ఏర్పాటు చేశారు. అయితే పలువురికి చెందిన ఫ్లెక్సీలను చించివేసిన విషయం ఉదయాన్నే సంబంధిత కార్యకర్తలు గమనించారు. ఐదు ఫ్లెక్సీలను చించివేశారని, దురుద్దేశంతోనే ఇలా చేశారని వారు ఆవేదన వ్యక్తం చేశారు. తమ ఫ్లెక్సీలను చించివేస్తారేమోగాని, టీడీపీపై తమకున్న అభిమానాన్ని చెరపలేరని వారు పేర్కొన్నారు.
