వివేకా హత్యను.. గుండెపోటుగా చిత్రీకరించారు : గుండుమల

మడకశిరటౌన, ఏప్రిల్‌ 30: రాజకీయంగా లబ్ధి పొందాలని సీఎం జగన తన బాబాయి వై ఎస్‌ వివేకానందరెడ్డి హత్యను.. గుండెపోటుగా చిత్రీకరించారని టీడీపీ నియోజకవర్గ కోఆర్డినేట ర్‌ గుండుమల తిప్పేస్వామి వి మర్శించారు. ఆదివారం స్థానిక టీడీపీ కార్యాలయంలో ఆయన విలేకరులతో మాట్లాడారు. 2014 ఎన్నికల్లో తండ్రి మరణాన్ని వాడుకొని రాజకీయంగా లబ్ధి పొందాలని ప్రయత్నించింది జగనకాదా అని ప్రశ్నించారు. సొంత మీడియా సాక్షిలో వివేకా హత్యను గుండెపోటుగా ఎందుకు చూపించారని నిలదీశారు. ప్రతిపక్షంలో ఉన్నప్పుడు వివేకా హత్య కేసును సీ బీఐకి ఇవ్వాలని డిమాండ్‌ చేసి, తీరా అధికారంలోకి వచ్చాక వేసిన పిటీషనను ఉపసంహరించుకున్నారని అన్నారు. దేశంలో 20 మంది ముఖ్యమంత్రులకు ఉన్న ఆస్తులు ఒక్క జగనకే ఉన్నాయన్నారు. అనేక అక్రమాలకు పాల్పడ్డారన్నారు. రాజధాని మార్పు పేరుతో విశాఖపట్నంలో భూమాఫియాకు తెరతీశారన్నారు. అమరావతిలో వెయ్యి ఎకరాలకు పైగా భూమిని దారిమళ్లించారన్నారు. లిక్కర్‌, మైనింగ్‌ మాఫియాలకు వత్తాసుపలుకుతూ లబ్ధి పొందుతోంది జగనకాదా అంటూ ప్రశ్నించారు. వివేకానందరెడ్డి హత్యకేసులో అసలైన నిందితులను సీబీఐ బయటపెట్టాలని డిమాండ్‌ చేశారు.