రైలు కిందపడి వలంటీరు ఆత్మహత్య
ABN , First Publish Date - 2023-06-11T00:06:47+05:30 IST
మండలంలోని జోగన్నపేట సమీపంలో శనివారం రైలు కిందపడి గ్రామ వలంటీరు రాజశేఖర్‌ (34) ఆత్మహత్య చేసుకున్నాడు.
నల్లచెరువు, జూన 10: మండలంలోని జోగన్నపేట సమీపంలో శనివారం రైలు కిందపడి గ్రామ వలంటీరు రాజశేఖర్‌ (34) ఆత్మహత్య చేసుకున్నాడు. రైల్వే పోలీసులు తెలిపిన వివరాలివి. గ్రామానికి చెందిన గ్రామ వలంటీరు రాజశేఖర్‌ కొంతకాలంగా అనారోగ్యంతో బాధపడుతుండేవాడు. తల్లి ఇదివరకే మృతి చెందగా, ఇద్దరు చెల్లెళ్లు ఉన్నారు. అనారోగ్యంతో జీవితంపై విరక్తి చెంది గ్రామ సమీపంలో రైలు కింద పడి అఘాయిత్యానికి పాల్పడ్డాడు. రైల్వే ఎస్‌ఐ రహీం సంఘటనా స్థలాన్ని పరిశీలించి, మృతదేహాన్ని పోస్టుమార్టం కోసం కదిరి ప్రభుత్వ ఆసుపత్రికి తరలించారు. కేసు దర్యాప్తు చేస్తున్నట్లు పోలీసులు తెలిపారు.
