Srisailam: నిత్యాన్నదాన భవనంలో మళ్లీ పేలిన వాటర్ స్ట్రీమింగ్ బాయిలర్

నంద్యాల : శ్రీశైలం దేవస్థానం నిత్యాన్నదాన భవనంలో వాటర్ స్ట్రీమింగ్ బాయిలర్ మరోసారి పేలింది. ఒక్కసారిగా బాయిలర్ పేలుడంతో ఉద్యోగ సిబ్బంది భయాందోళనకు గురయ్యారు. నిత్యాన్నదాన బయట వైపు పేలుడు జరగడంతో పెను ప్రమాదం తప్పింది. వేడి ఎక్కువడంతో ప్రజర్‌కు పేలినట్లు సిబ్బంది తెలిపారు. వేడి నీళ్లు పడటంతో ముగ్గురికి స్వల్ప గాయాలయ్యాయి. హుటాహుటిన ఘటనా స్థలానికి దేవస్థానం అధికారులు చేరుకున్నారు.

కాగా.. నేటి నుంచి శ్రీశైలంలో మహాశివరాత్రి బ్రహ్మోత్సవాలు ప్రారంభమయ్యాయి. ఈ బ్రహ్మోత్సవాలను తిలకించేందుకు పెద్ద ఎత్తున భక్తులు తరలి వస్తున్నారు. ఈ నెల 21వరకు మహాశివరాత్రి బ్రహ్మోత్సవాలు జరగనున్నాయి. ఉదయం 8:46 గంటలకు ఉత్సవాలకు ప్రారంభ పూజలు జరిగాయి. రాత్రి 7 గంటలకు ధ్వజారోహణ కార్యక్రమం జరగనుంది. బ్రహ్మోత్సవాల నేపథ్యంలో శ్రీశైలంలో నేటి నుంచి అన్ని ఆర్జిత సేవలను అధికారులు నిలిపివేశారు.