పొరుగు రాష్ట్రాల నుంచి కూలీలను రప్పించి ఇళ్ల నిర్మాణాలు పూర్తిచేయండి
ABN , First Publish Date - 2023-01-24T00:32:23+05:30 IST
పొరుగు రాష్ట్రాలైన తమిళనాడు, కర్ణాటక నుంచి కూలీలను రప్పించి ఉగాది లోగా 24,859 గృహనిర్మాణాలు పూర్తిచేసి, ప్రారంభోత్సవాలకు సిద్ధం చేయాలని కలెక్టర్‌ ఎం.హరినారాయణన్‌ సూచించారు.
చిత్తూరు కలెక్టరేట్‌, జనవరి 23: పొరుగు రాష్ట్రాలైన తమిళనాడు, కర్ణాటక నుంచి కూలీలను రప్పించి ఉగాది లోగా 24,859 గృహనిర్మాణాలు పూర్తిచేసి, ప్రారంభోత్సవాలకు సిద్ధం చేయాలని కలెక్టర్‌ ఎం.హరినారాయణన్‌ సూచించారు. సోమవారం రాత్రి ఆయన కలెక్టరేట్‌ నుంచి జేసీ వెంకటేశ్వర్‌, హౌసింగ్‌ పీడీ పద్మనాభన్‌తో కలిసి ఎంపీడీవోలు, హౌసింగ్‌ అధికారులతో వీడియో కాన్ఫరెన్స్‌నిర్వహించారు. ఇంకా రిజిస్ర్టేషన్‌ కాని గృహాలను కూడా పూర్తి చేయాలన్నారు. పలమనేరు నియోజకవర్గంలో ప్రణాళికపరంగా నిర్మాణాలు జరుగుతున్నాయంటూ అధికారులను అభినందించారు. లే అవుట్ల వద్ద సమస్యలుంటే పరిష్కరిస్తామని జేసీ చెప్పారు. రోడ్లు, నీరు, విద్యుత్‌ తప్పనిసరిగా ఉండేలా చూడాలన్నారు.
