రంగుమారిన ధాన్యాన్ని కొనుగోలు చేస్తాం: జేడీఏ
ABN , First Publish Date - 2023-05-04T00:29:15+05:30 IST
పిఠాపురం రూరల్‌, మే 3: వర్షాల కారణంగా రంగుమారిన, మొలకెత్తిన ధాన్యాన్ని రైతు భరోసా కేంద్రాల ద్వారా కొనుగోలు చేస్తామని జిల్లా వ్యవసాయాధికారి విజయకుమార్‌ తెలిపారు. పిఠాపురం మండలం మల్లాం, జల్లూరు గ్రామాల్లో ఆయన బుధవారం పర్యటించి వర్షాలకు తడిచిన వరిపనలు, ధాన్యం రా
పిఠాపురం రూరల్‌, మే 3: వర్షాల కారణంగా రంగుమారిన, మొలకెత్తిన ధాన్యాన్ని రైతు భరోసా కేంద్రాల ద్వారా కొనుగోలు చేస్తామని జిల్లా వ్యవసాయాధికారి విజయకుమార్‌ తెలిపారు. పిఠాపురం మండలం మల్లాం, జల్లూరు గ్రామాల్లో ఆయన బుధవారం పర్యటించి వర్షాలకు తడిచిన వరిపనలు, ధాన్యం రాశులను, కళ్లాల్లో ఉన్న పంటను పరిశీలించారు. తడిచిన వరిపనలు దెబ్బతినకుండా, రంగుమారకుండా ఉండేందుకు 5శాతం ఉప్పునీటి ద్రావణాన్ని పిచికారీ చేయాలని సూచించారు. పంటలు నష్టపోయిన రైతులకు ప్రభుత్వపరంగా నష్టపరిహారం అందజేస్తామని, రైతులకు అన్నివిధాల అండగా ఉంటామని చెప్పారు. ఆయన వెంట వ్యవసాయశాఖ ఏడీ పి.స్వాతి ఉన్నారు.
