రంగా విగ్రహం విరగొట్టిన గుర్తుతెలియని వ్యక్తులు
ABN , First Publish Date - 2023-04-23T00:15:17+05:30 IST
కొత్తపల్లి, ఏప్రిల్‌ 22: కొత్తపల్లి ఊరచెరువు గట్టుపై ఉన్న కాపు ఉద్యమనేత వంగవీటి మోహనరంగా విగ్రహం చేతివేళ్లను గుర్తుతెలియని వ్యక్తులు విరగొట్టారు. దీంతో
కొత్తపల్లి, ఏప్రిల్‌ 22: కొత్తపల్లి ఊరచెరువు గట్టుపై ఉన్న కాపు ఉద్యమనేత వంగవీటి మోహనరంగా విగ్రహం చేతివేళ్లను గుర్తుతెలియని వ్యక్తులు విరగొట్టారు. దీంతో రంగా యూత్‌ ఆధ్వర్యంలో ఆందోళన చేపట్టారు. శనివారం మధ్యాహ్నం 3-4 గంటల మధ్య గుర్తుతెలియని వ్యక్తులు రంగా విగ్రహం చేతివేళ్ళను విరగొట్టి పరారయ్యారని కాపు యువత ప్రతినిధి గంగాధర్‌ తెలిపారు. ఈ విషయంపై రంగా యూత్‌ సభ్యులు కొత్తపల్లి పోలీసులకు ఫిర్యాదు చేశారు. దీంతో పిఠాపురం సీఐ వైఆర్కే శ్రీనివాస్‌ రంగా విగ్రహాన్ని పరిశీలించారు. యూత్‌ ఫిర్యాదు మేరకు కేసు దర్యాప్తు చేస్తామని సీఐ హామీఇవ్వడంతో శాంతించారు.
