పూర్తిగా కుంటుపడిన మహిళా సాధికారత

తుని టీడీపీ ఇన్‌చార్జి యనమల దివ్య

తొండంగి, జూన్‌ 23: వైసీపీ పాలనలో మహిళా సాధికారత పూర్తిగా కుంటుపడిందని అదే సమయంలో వారిపై వేధింపులు, అరాచకా లు ఎక్కువయ్యాయని టీడీపీ తుని నియోజకవర్గ ఇన్‌చార్జి యనమల దివ్య పేర్కొన్నారు. శుక్రవారం పి.అగ్రహారం గ్రామంలో పార్టీ రాష్ట్ర కార్యనిర్వాహక కార్యదర్శి యనమల కృష్ణుడుతో కలిసి మీ ఇంటికి మీ దివ్య కార్యక్రమం నిర్వహించారు. ఈ సందర్భంగా ఆమె మాట్లాడుతూ మహిళల ను ఆర్థికంగా, రాజకీయంగా, సామాజికంగా అభివృద్ధి చేసి వారిని చైతన్యపరచిన ఘనత టీడీపీదే నన్నారు. సమాజంలో పురుషులతోపాటు సమా న అవకాశాలు కల్పించి మహిళా సాధికారతకు పెద్దపీట వేసిందన్నారు. వైసీపీ ప్రభుత్వంలో మహిళలపై దాడులు పెరిగాయన్నారు. రాష్ట్రంలో అరాచక పాలన సాగుతోందని, త్వరలో దీనికి ముగింపు పలికే రోజులు రానున్నాయన్నారు. టీ డీపీ అధికారంలోకి వచ్చిన వెంటనే 18 ఏళ్లు నిండిన ప్రతి మహిళకు నెలకు రూ.1500 ఇస్తారన్నారు. తల్లికి వందనం కార్యక్రమం ద్వారా చది వే పిల్లలు ఎందరున్నా ఒకొక్కరికి రూ.15 నగదును తల్లి ఖాతాకు జమ చేస్తారని, దీపం పథకం ద్వారా 3 ఉచిత గ్యాస్‌ సిలెండర్లను అం దిస్తామన్నారు. కృష్ణుడు మాట్లాడుతూ వైసీపీ పాలనలో ప్రజలంతా పన్నుల భారంతో సతమతమవుతూ ఎప్పుడు టీడీపీని అధికారంలోకి తీ సుకురావాలా అని ఎదురుచూస్తున్నారన్నారు. కార్యక్రమంలో తెలుగు యువత జిల్లా అధ్యక్షుడు యనమల శివరామకృష్ణణ్‌, మోతుకూరి వెంకటేష్‌, పోల్నాటి శేషగిరి రావు, తెలుగు రైతు కార్యదర్శి పేకేటి హరికృష్ణ, మురాల శెట్టి సత్తిబాబు, బత్తుల వెంకట రమణ, నేమాల కృష్ణ ఉన్నారు.