నాడు-నేడు పనులు త్వరగా పూర్తి చేయాలి

• డీఈవో అబ్రహాం.. పలు పాఠశాలల్లో పనుల తనిఖీ

ఉండ్రాజవరం, సెప్టెంబరు 23: పాఠశాలల్లో నాడు-నేడు పనులు త్వరగా పూర్తి చేయాలని డీఈవో ఎస్‌.అబ్రహాం చెప్పారు. మండలంలోని కాల్థరి, దమ్మెన్ను, సత్యవాడ గ్రామాల్లో పాఠశాలలో జరిగిన నాడు-నేడు పనులను శనివారం ఆయన తనిఖీ చేశారు. ఈ సందర్భంగా డీఈవో మాట్లాడుతూ పనుల్లో నాణ్యతా ప్రమాణాలకు రాజీపడొద్దని సూచించారు. జరిగిన పనులను ఎప్పటికప్పుడు ఉన్నతాధికారులకు నివేదించాలని చెప్పారు. విద్యార్థుల వర్క్‌బుక్‌లను మోనటరింగ్‌ చేసి పూర్తిచేసిన విద్యార్థులను డీఈవో అభినందించారు. వర్కుబుక్‌లు పెండింగ్‌ ఉన్న విద్యార్థులపై ఉపాధ్యాయులు ప్రత్యేక దృష్టి సారించి పూర్తి చేయించాలని ఆదేశించారు. కార్యక్రమంలో ఎంఈవో సీహెచ్‌.సక్సేనరాజు, శారదాజ్యోత్స, ఉపాధ్యాయులు పాల్గొన్నారు.