TDP : కర్ణాటక మాజీ మంత్రి శ్రీరాములతో ఏలూరు టీడీపీ నేత గన్ని భేటీ

ఏలూరు : ఏలూరు టీడీపీ అధ్యక్షుడు గన్ని వీరాంజనేయులు (Ganni Veeranjineyulu) కర్ణాటక మాజీ మంత్రి శ్రీరాములతో (Sri Ramulu) భేటీ అయ్యారు. ఉంగుటూరు నియోజకవర్గంలోని చిలకంపాడులో ఉన్న శివాలయాన్ని శ్రీరాములు సందర్శించారు. స్వామివారికి మాజీ మంత్రి ప్రత్యేక పూజలు నిర్వహించారు. అనంతరం శ్రీరాములు స్నేహితుడు నిడదవోలు రాజు ఇంటికి వెళ్లారు. అక్కడ గన్ని వీరాంజనేయులుతో శ్రీరాములు మర్యాదపూర్వకంగా కలిశారు. కాసేపు ఇరువురు ఏపీ పరిస్థితులపై ముచ్చటించారు. ఈ సందర్భంగా శ్రీరాములు మాట్లాడుతూ.. తాను చిలకంపాడులో శివాలయానికి వచ్చానని ఇది పొలిటికల్ టూర్ ఏమీ కాదని తెలిపారు.