Nara Lokesh Padayatra: ఆయన షాడో ఎమ్మెల్యేగా వ్యవహరిస్తున్నాడు: నారా లోకేష్

తిరుపతి: తిరుపతి (Tirupati) మేయర్ యాదవ సమాజిక వర్గానికి చెందిన మహిళ కావడంతో ఆమె విధులు సక్రమంగా నిర్వహించనివ్వడం లేదని, తిరుపతి డిప్యూటీ మేయర్ అభినయరెడ్డి సూపర్ మేయర్గా, షాడో ఎమ్మెల్యేగా వ్యవహరిస్తున్నాడని టీడీపీ నేత నారా లోకేష్ (Nara Lokesh) ఆరోపించారు. యువగళం పాదయాత్ర (YuvaGalam Padayatra)లో భాగంగా బీసీ సంఘాల నేతలతో లోకేష్ ముఖాముఖి నిర్వహించారు. ఈ సందర్భంగా ఆయన మాట్లాడుతూ వైసీపీ (YCP) అమ్ముతున్న మద్యం తాగితే డయాలసిస్ రోగులు అయిపోవాల్సిందేనని చెప్పారు. టీడీపీ (TDP) ప్రభుత్వం వస్తే మద్యం షాపుల.. కేటాయింపుల్లో రిజర్వేషన్ తీసుకొస్తామని ప్రకటించారు. తన స్వార్థం కోసం 23 వేల ఎకరాలు రిజిస్ట్రేషన్ ఆపేసి.. భవన నిర్మాణ కార్మికులకు ఉపాధి లేకుండా చేశాడని లోకేష్ దుయ్యబట్టారు. జగన్ ఊరూరు తిరిగినప్పుడు చెప్పింది.. ఆయన విడుదల చేసిన మేనిఫెస్టోలో లేదని తెలిపారు. మాట తప్పి.. మడమ తిప్పడం.. మేనిఫెస్టోతోనే మొదలులెట్టారని విమర్శించారు. మంగళగిరిలో శ్రీశక్తి కార్యక్రమం రూపొందిస్తున్నామని, మార్కెటింగ్ ఉండేలా స్వయం ఉపాధిలో శిక్షణ ఉంటుందని నారా లోకేష్ పేర్కొన్నారు.