Kollu Ravindra : ఫోటోలను మార్ఫింగ్ చేసి ఫేక్ బతుకులతో రాజకీయ లబ్దిపొందుతున్నారు

అమరావతి : తెలుగుదేశం ప్రభుత్వ హయాంలో ఇచ్చిన షాదీ తోఫా ఫోటోలనే జగన్ రెడ్డి పేర్లు మార్చి ప్రచారం చేసుకోవటం సిగ్గుచేటు అని టీడీపీ పొలిట్ బ్యూరో సభ్యులు కొల్లు రవీంద్ర విమర్శించారు. టీడీపీపై తప్పుడు పోస్టులు పెడుతూ పబ్బం గడుపుకుంటూ ప్రజల్ని మోసం చేస్తున్నారని విమర్శించారు. లోకేష్ విసిరే సెల్ఫీ ఛాలెంజ్‌లకు సమాధానం చెప్పే దమ్ములేక ఫోటోలను మార్ఫింగ్ చేసి ఫేక్ బతుకులతో రాజకీయ లబ్ది పొందుతున్నారని రవీంద్ర విమర్శించారు. తెలుగుదేశం నేతలు అనని మాటల్ని అన్నట్లుగా మార్ఫింగ్ చేసి ప్రచారం చేస్తూ దిగజారుడు రాజకీయాలు చేస్తున్నారు. తండ్రి వివేకా హత్య కేసు అసలు నిందితుల కోసం సునీతారెడ్డి పోరాడుతుంటే ఆమెపై తెలుగుదేశం ముద్ర వేసే ప్రయత్నం చేస్తున్నారన్నారు. చిల్లర వేషాలతో చేసిన తప్పుల నుంచి తప్పించుకోలేరని జగన్మోహన్ రెడ్డి గ్రహించాలని కొల్లు రవీంద్ర విమర్శించారు.