Pawana: దేశానికి నరేంద్ర మోదీ అవసరం: ట్విట్టర్‌లో పవన్

అమరావతి: భారత దేశానికి నరేంద్ర మోదీ (Narendra Modi) అవసరం అంటూ జనసేన అధినేత (Janasena Chief) పవన్ కల్యాణ్ (Pawan Kalyan) తన అభిప్రాయాలను ట్విట్టర్ (Twitter) వేదికగా పోస్ట్ చేశారు. ఇంకా ఏమన్నారంటే.. ‘‘మోదీ మన దేశానికి కీలకమైన ఒక దార్శనిక నాయకుడు.. ఆయన ఎన్నో సవాళ్లను అధిగమించగల సామర్థ్యాన్ని కలిగి ఉన్న నేత.. బలమైన దృక్పథాన్ని వ్యక్తీకరించడం, ఐక్యతను పెంపొందించడం.. వివిధ రంగాలలో పరివర్తనాత్మక మార్పును నడిపించడం ద్వారా దేశాన్ని మంచి భవిష్యత్తు వైపు నడిపించే సామర్థ్యం మోదీకి ఉంది’’ అని అన్నారు. దీర్ఘకాలిక అభివృద్ధి, భవిష్యత్తు తరాల శ్రేయస్సుపై ఆలోచన చేస్తారని కొనియాడారు. తన 'విజన్ 2047'ని సాకారం చేయడానికి... జనసేన పార్టీ బీజేపీ (BJP)కి, నరేంద్రమోదీకి మద్దతు ఇస్తుందని పవన్ కల్యాణ్ స్పష్టం చేశారు.