పనులను వేగవంతం చేయండి: మేయర్‌
ABN , First Publish Date - 2023-08-18T00:50:52+05:30 IST
నగరపాలక సంస్థ ప్రధాన కార్యాలయం ఆవరణలో నిర్మాణంలో ఉన్న నూతన భవనం నిర్మాణ పనులను వేగవంతం చేసి త్వరితగతిన పూర్తి చేయాలని మేయర్‌ భాగ్యలక్ష్మి అధికారులను ఆదేశించారు.
పనులను వేగవంతం చేయండి: మేయర్‌
చిట్టినగర్‌, ఆగస్టు 17 : నగరపాలక సంస్థ ప్రధాన కార్యాలయం ఆవరణలో నిర్మాణంలో ఉన్న నూతన భవనం నిర్మాణ పనులను వేగవంతం చేసి త్వరితగతిన పూర్తి చేయాలని మేయర్‌ భాగ్యలక్ష్మి అధికారులను ఆదేశించారు. ఈ మేరకు గురువారం నిర్మాణంలో ఉన్న నూతన భవనాన్ని మేయర్‌ పరిశీలించారు. ఈ సందర్భంలో భవన నిర్మాణం స్థితిగతులను, అందుబాటులో ఉన్న మౌలిక సదుపాయాలను అధికారులను అడిగి తెలుసుకుని పలు సూచనలు చేశారు. మూడో ఫ్లోర్‌లో జరుగుతున్న మార్బుల్‌, సీలింగ్‌, కరెంట్‌, ప్లాస్టింగ్‌ పనులను పరిశీలించి సూచనలు చేశారు. ఎగ్జిక్యూటివ్‌ ఇంజనీర్‌ వెంకటేశ్వరరెడ్డి, తదితర అధికారులు పాల్గొన్నారు.
