Nara Lokesh : నారా లోకేష్‌ని కలిసి సమస్యలను వివరించిన మహిళలు..

కర్నూలు : యువగళం పాదయాత్రలో భాగంగా టీడీపీ జాతీయ ప్రధాన కార్యదర్శి నారా లోకేష్ నేడు కర్నూలు జిల్లా ఆలూరు నియోజకవర్గంలో పర్యటిస్తున్నారు. నేడు పల్లె దొడ్డిలో మహిళలు లోకేష్‌ని కలిశారు. తమ గ్రామంలోనే సమస్యలన్నీ లోకేష్‌కు చెప్పుకున్నారు. గ్రామంలో రోడ్లు, డ్రైనేజ్ వ్యవస్థ అధ్వానంగా ఉందంటూ ఆవేదన వ్యక్తం చేశారు. తాగునీటి సమస్యతో ఇబ్బంది పడుతున్నామంటూ తమ సమస్యను గ్రామస్థులు చెప్పుకున్నారు. టీడీపీ హయాంలో గ్రామాల్లో 25 వేల కిలోమీటర్ల సీసీ రోడ్లు వేశామన్నారు. ఇప్పుడు జగన్ పంచాయతీ నిధులు కాజేసి కనీస మౌలిక సదుపాయాలు కల్పించడం లేదన్నారు. టీడీపీ ప్రభుత్వం వచ్చిన వెంటనే మీ గ్రామంలో ఉన్న తాగునీటి సమస్యను పరిష్కరిస్తామన్నారు. డ్రైనేజ్ ఏర్పాటు చేస్తాం అని నారా లోకేష్ హామీ ఇచ్చారు.