Sajjala: కేసీఆర్ వ్యాఖ్యలపై సజ్జల విమర్శలు

అమరావతి: సీఎం కేసీఆర్ (KCR) వ్యాఖ్యలపై ప్రభుత్వ సలహాదారు సజ్జల రామకృష్ణారెడ్డి (Sajjala Ramakrishna Reddy) విమర్శలు గుప్పించారు. తెలంగాణలో ఖచ్చితంగా పవర్ కట్స్ ఉన్నాయని, విద్యుత్ పరిస్థితిపై తెలంగాణలోని పల్లెలకు వెళ్తే తెలుస్తుందన్నారు. ఏపీలో గతంతో పోల్చితే 28% విద్యుత్‌ వినియోగం పెరిగిందని తెలిపారు. టెక్నికల్‌గా ట్రిప్‌ తప్ప.. ఏపీలో పవర్ కట్స్ లేవని సజ్జల పేర్కొన్నారు.

ముద్రగడపై సజ్జల పొగడ్తలు

కాపు ఉద్యమ నేత ముద్రగడ పద్మనాభం (Mudragada Padmanabham)పై సజ్జల ప్రశంసలు కురిపించారు. కులం కోసం నిలబడ్డ వ్యక్తి ముద్రగడ. కులం కోసం ముద్రగడ రాజకీయాలనే త్యాగం చేశారు. జనసేన అధినేత పవన్‌కల్యాణ్ కులాన్ని వాడుకున్నట్లుగా.. ముద్రగడ చేయలేదు. ముద్రగడను వైసీపీ కంట్రోల్ చేస్తోందనడం సరికాదు. మాకు తెరవెనుక నుంచి ఆడించే ఆటలు తెలియవు. పవన్ పొలిటీషియనే కాదు పెయిడ్ ఇంజనీర్.