పురిటిపెంటలో ధాన్యం బస్తాల దగ్ధం
ABN , First Publish Date - 2023-04-14T00:14:47+05:30 IST
మండలంలోని పురిటిపెంటలో జరిగిన అగ్ని ప్రమాదంలో పురిపాకతో పాటు ధాన్యం బస్తాలు దగ్ధమయ్యాయి.
గజపతినగరం: మండలంలోని పురిటిపెంటలో జరిగిన అగ్ని ప్రమాదంలో పురిపాకతో పాటు ధాన్యం బస్తాలు దగ్ధమయ్యాయి. అగ్ని మాపక కేంద్ర అధికారి ఎంవీఎస్‌ రవిప్రసాద్‌ కథనం మేరకు... పురిటిపెంటకు సమీపంలో చెరువులో గల పిచ్చిమొక్కలు తొలగించేందుకు గుర్తుతెలియని వ్యక్తులు గురువారం నిప్పు పెట్టారు. ఆ మంటలు వ్యాపించి దగ్గరలో గల దాసరి సన్ని తాతకు చెందిన పశు వుల పాకకు నిప్పుంటుకుంది. తాటాకులు ఎగిసిపడడంతో శాలకు పక్కనే గల పురికట్టిన ధాన్యానికి అంటుకొని కాలిబూడిదయ్యాయి. స్థానికుల ఫిర్యాదు మేరకు అగ్నిమాపకఅధికారి సిబ్బంది సహాయంతో మంటలను అదుపలోకి తీసుకువ చ్చారు. బాధితుడికి సుమారు రూ.2లక్షల నష్టం వాటిల్లింది.
