LokeshPadayatra: పాదయాత్రలో ఉద్రిక్తత.. లోకేష్పై దాడి చేసేందుకు వైసీపీ మూకల ఏర్పాట్లు

తిరుపతి: టీడీపీ నేత నారా లోకేష్ (NaraLokesh) యువగళం పాదయాత్ర (YuvaGalamPadayatra)లో ఉద్రిక్తత చోటుచేసుకుంది. యేర్పేడు మండల పరిషత్ ప్రాథమిక పాఠశాలలో లోకేష్పై దాడి చేసేందుకు వైసీపీ మూకల ఏర్పాట్లు చేసుకున్నారు. ముందే పసిగట్టిన టీడీపీ (TDP) నేతలు పోలీసులకు సమాచారం ఇచ్చారు. టీడీపీ ఫిర్యాదుతో వైసీపీ నేతలతో పోలీసులు మాట్లాడి వచ్చారు. వైసీపీ (YCP) నేతలతో మాట్లాడామని ఎలాంటి ప్రమాదం లేదని పోలీసులు చెప్పారు. పాఠశాలలో వైసీపీ నేతలకు ఏం పని అని టీడీపీ నేతలు ప్రశ్నించారు. లోకేష్ పర్యటనకు రక్షణగా వచ్చారా?.. వైసీపీ నేతలకు కాపలాగా వచ్చారా? అంటూ పోలీసులపై ఆగ్రహం వ్యక్తం చేశారు. మరోవైపు లోకేష్ చేపట్టిన యువగళం పాదయాత్ర అడ్డంకులను అధిగమిస్తూ ముందుకు సాగుతోంది. వేసే ప్రతి అడుగు ప్రజల కోసమే అంటున్న లోకేశ్‌, ప్రతి వంద కిలోమీటర్ల మజిలీలోనూ స్థానిక అవసరాలకు అనుగుణంగా ఒక్కో హామీ ఇస్తున్నారు.

నేటి పాదయాత్ర ఇలా..

8.00: ఏర్పేడు మండలం కోబాక విడిదికేంద్రం

నుంచి పాదయాత్ర ప్రారంభం

8.45: కొత్తవీరాపురం స్థానికులతో మాటామంతి

12.00: మడిబాకలో రైతులతో ముఖాముఖి

1.00: మడిబాకలో భోజన విరామం

3.30: మునగలపాలెంలో స్థానికులతో సమావేశం

4.40: వికృతమాలలో స్థానికులతో మాటామంతి

5.45: పాపానాయుడు పేటలో

కైకాల సామాజిక వర్గీయులతో ముఖాముఖి

6.40: రేణిగుంట మండలం జీపాలెం

విడిదికేంద్రంలో బస.