వరహాలు దొరకు రాష్ట్ర స్థాయి అవార్డు
ABN , First Publish Date - 2023-01-27T01:01:40+05:30 IST
మండలంలోని కె.కోటపాడు రైతు భరోసా కేంద్రంలోని గ్రామ వ్యవసాయ సహాయకుడు బండారు వరహాలు దొర రాష్ట్ర స్థాయి అవార్డును అందుకున్నారు.
కె.కోటపాడు, జనవరి 26: మండలంలోని కె.కోటపాడు రైతు భరోసా కేంద్రంలోని గ్రామ వ్యవసాయ సహాయకుడు బండారు వరహాలు దొర రాష్ట్ర స్థాయి అవార్డును అందుకున్నారు. గురువారం గుంటూరులో జరిగిన గణతంత్ర దినోత్సవాల్లో ఉత్తమ గ్రామ వ్యవసాయ సహాయకుడు అవార్డును వరహాలు దొరకు వ్యవసాయ శాఖ స్పెషల్‌ కమిషనర్‌ సి.హరికిరణ్‌ అందజేశారు. సమయ పాలన పాటించడం, రైతులకు సలహాలు, సూచనలతోపాటు వివిధ వ్యవసాయ కార్యక్రమాలు సమర్థవంతంగా అందించడంతో వరహాలు దొరకు ఈ అవార్డు దక్కిందని మండల వ్యవసాయాధికారి సోమశేఖర్‌ అభినందించారు.
