డోలీలో ఆస్పత్రికి మహిళ తరలింపు
ABN , First Publish Date - 2023-07-17T23:41:58+05:30 IST
మండలంలోని కోనాం శివారు జాజులపాలెం గిరిజనులకు డోలీ మోతలు తప్పడం లేదు. గ్రామంలో పలువురు జ్వరాలతో బాధపడుతుండగా, ఒకరి పరిస్థితి విషమంగా ఉండడంతో సోమవారం మాడుగుల ప్రభుత్వాస్పత్రికి తరలించేందుకు జాజులపాలెం గ్రామం నుంచి బ్రాహ్మణగెడ్డ మీదుగా గుడివాడ వరకు ఇద్దరు గిరిజనులు డోలీ కట్టి తీసుకువెళ్లారు.
జాజులపాలెంలో జ్వరాల విజృంభణ
గిరిజనులకు తప్పని కష్టాలు
చీడికాడ, జూలై 17: మండలంలోని కోనాం శివారు జాజులపాలెం గిరిజనులకు డోలీ మోతలు తప్పడం లేదు. గ్రామంలో పలువురు జ్వరాలతో బాధపడుతుండగా, ఒకరి పరిస్థితి విషమంగా ఉండడంతో సోమవారం మాడుగుల ప్రభుత్వాస్పత్రికి తరలించేందుకు జాజులపాలెం గ్రామం నుంచి బ్రాహ్మణగెడ్డ మీదుగా గుడివాడ వరకు ఇద్దరు గిరిజనులు డోలీ కట్టి తీసుకువెళ్లారు. గ్రామంలో సుమారు 40 కుటుంబాలు నివాసముంటున్నాయి. వీరిలో కొంతమంది జ్వరాలతో బాధపడుతున్నారు. ఇప్పటికే పొట్టంగి చిన్నారి, దుప్పి నర్సమ్మలను మాడుగుల ప్రభుత్వ ఆస్పత్రికి తరలించారు. గ్రామంలో పొట్టంగి ముత్యాలమ్మ, చూకూరి నూకాలమ్మ, తాడి బసమ్మలతోపాటు పలువురు గిరిజనులు జ్వరాలతో బాధపడుతుండగా, వీరిలో ముత్యాలమ్మ పరిస్థితి విషమంగా ఉండడంతో డోలీకట్టి గుడివాడ వరకు తీసుకువచ్చి అక్కడి నుంచి మాడుగుల ప్రభుత్వాస్పత్రికి తరలించారు.
