బొజ్జ గణపయ్య.. ఆరగించయ్యా!
ABN , First Publish Date - 2023-09-22T23:41:51+05:30 IST
పట్టణంలోని ఆంజనేయనగర్‌కాలనీ కాలనీలో వినాయక నవరాత్రి ఉత్సవాలు ఘనంగా నిర్వహిస్తున్నారు. ఇందులో భాగంగా శుక్రవారం ఉత్సవ కమిటీ ఆధ్వర్యంలో గణనాథుడికి 151 రకాల వంటకాలను నైవేద్యంగా సమర్పించారు.
పాలకొండ: పట్టణంలోని ఆంజనేయనగర్‌కాలనీ కాలనీలో వినాయక నవరాత్రి ఉత్సవాలు ఘనంగా నిర్వహిస్తున్నారు. ఇందులో భాగంగా శుక్రవారం ఉత్సవ కమిటీ ఆధ్వర్యంలో గణనాథుడికి 151 రకాల వంటకాలను నైవేద్యంగా సమర్పించారు. అనంతరం మహిళలు 108 గరికిపూసలు, 11,001 పసుపు కొమ్ములతో ప్రత్యేక పూజలు చేశారు. పరిసర ప్రాంతవాసులు పెద్దసంఖ్యలో హాజరై వినాయకుడిని దర్శించుకున్నారు. ఈ కార్యక్రమంలో పురోహితుడు నానిబాబు, ఉత్సవ కమిటీ సభ్యులు, కాలనీ పెద్దలు దవళేశ్వరరావు, మణికంఠ, ఇందుమతి, గౌరీపార్వతి, గంగునాయుడు, మధుసూదనరావు, గణేష్‌నాయుడు, చంద్రరావు, రమేష్‌, శరత్‌ తదితరులున్నారు.
