AP News: ఏలూరు జిల్లాలో దారుణం.. కత్తితో ఇద్దరు వ్యక్తులపై దాడి

ఏలూరు జిల్లా: ఏలూరు జిల్లా(Eluru district)లో దారుణం జరిగింది. కత్తితో ఇద్దరు వ్యక్తులపై ఓ యువకుడు దాడి చేశాడు. ఈ దాడికి భూవివాదమే(Land dispute) కారణంగా తెలుస్తోంది. వివరాల్లోకి వెళ్తే.. నూజివీడు మండలం జంగంగూడెం(Jangangudem) గ్రామ యానాదుల కాలనీలో ఇద్దరు వ్యక్తులపై ఓ యువకుడు కత్తితో దాడి చేశాడు. భూవివాదంతోనే తల్లి, కొడుకులపై ఓ యువకుడు కత్తితో దాడి చేసినట్లు గ్రామస్తులు తెలిపారు. గ్రామానికి చెందిన పున్నం శివ, కోటపాటి వాసు కుటుంబాల మధ్య గత కొంత కాలంగా భూమి సరిహద్దు వివాదం నడుస్తోంది. ప్రత్యర్థి కుటుంబంపై శివ అతని అనుచరులు. ఒక్కసారిగా కత్తితో దాడికి దిగారు. దాడిలో వాసు, అతని తల్లికి తీవ్ర గాయాలు అయ్యాయి. గాయపడిన వారిని స్థానికులు ప్రభుత్వ ఆస్పత్రికి తరలించారు.దాడి చేసి గ్రామంలో కత్తితో హాల్‌చల్ చేస్తూ భయాబ్రాంతులకు గురి చేస్తున్నశివను పట్టుకుని గ్రామ ప్రజలు పోలీసులకు అప్పగించారు. నూజివీడు రూరల్ పోలీసులు కేసు నమోదు చేసి దర్యాప్తు చేపట్టారు.