Pawan Kalyan: అందుకే రాజకీయాల్లోకి వచ్చా..

ఏలూరు జిల్లా: వైసీపీ (YCP) పార్టీ జగన్‌ (Jagan)ది కాదని, వేరే వాళ్ల దగ్గర నుంచి ఆ పార్టీని తీసుకున్నారని జనసేన అధినేత (Janasena Chief) పవన్ కల్యాణ్ (Pawan Kalyan) అన్నారు. వారాహి యాత్ర (Varahi Yatra) నిర్వహిస్తున్న ఆయన మంగళవారం ఏలూరు జిల్లా, దెందులూరులో వీర మహిళలు, కార్యకర్తలతో సమావేశం నిర్వహించారు. ఈ సందర్భంగా మాట్లాడుతూ రైతుల పొట్టగొట్టి, శ్రామికులను దోచుకున్న పార్టీ వైసీపీ అని విమర్శించారు. పబ్లిక్ పాలసీ (Public Policy) రూపొందించడం అంత తేలికకాదన్నారు.

ఉదాహరణకు కొల్లేరేనని.. పర్యావరణాన్ని రక్షించాలనుకుంటే, కొల్లేరుపై ఆధారపడిన రైతులు దెబ్బతింటారని.. రైతులను ఆదుకుందామంటే పర్యావరణం దెబ్బతింటుందని పవన్ కల్యాణ్ అన్నారు. సినిమాల్లో డ్యాన్స్ చేయవచ్చు, ఇంకా ఏమైనా చేయవచ్చు.. కానీ రాజకీయాల్లో అది సాధ్యం కాదన్నారు. తానేంటో నిరూపించుకోవడానికే రాజకీయాల్లోకి వచ్చానని పవన్ కల్యాణ్ స్పష్టం చేశారు.