Yuvagalam:13 నుంచి నెల్లూరు జిల్లాలో యువగళం
ABN , First Publish Date - 2023-06-12T21:31:00+05:30 IST
యువగళం పాదయాత్రలో భాగంగా మంగళవారం నుంచి ఉమ్మడి నెల్లూరు జిల్లాలో తెలుగుదేశం పార్టీ జాతీయ ప్రధాన కార్యదర్శి నారా లోకేష్‌ పర్యటించనున్నారు. సాయంత్రం 4 గంటలకు ఆత్మకూరు నియోజకవర్గ పరిధిలోని మర్రిపాడు మండలంలోకి ప్రవేశిస్తారు. నాలుగు రోజుల పాటు ఆత్మకూరు నియోజకవర్గంలో పర్యటించి 16వ తేదీ రాత్రికి వెంకటగిరి నియోజకవర్గానికి చేరుకుంటారు.
నెల్లూరు: యువగళం పాదయాత్ర (Yuvagalam Padayatra)లో భాగంగా మంగళవారం నుంచి ఉమ్మడి నెల్లూరు జిల్లాలో తెలుగుదేశం పార్టీ జాతీయ ప్రధాన కార్యదర్శి నారా లోకేష్‌ (Nara Lokesh)పర్యటించనున్నారు. సాయంత్రం 4 గంటలకు ఆత్మకూరు నియోజకవర్గ పరిధిలోని మర్రిపాడు మండలంలోకి ప్రవేశిస్తారు. నాలుగు రోజుల పాటు ఆత్మకూరు నియోజకవర్గంలో పర్యటించి 16వ తేదీ రాత్రికి వెంకటగిరి నియోజకవర్గానికి చేరుకుంటారు. యువగళంలో భాగంగా జిల్లా పర్యటనకు వస్తున్న నారా లోకేష్‌ కు ఘన స్వాగతం పలకడానికి టీడీపీ జిల్లా శ్రేణులు సమాయత్తం అయ్యారు. ఆత్మకూరు నియోజకవర్గంలో నారా లోకేష్‌ యువగళం పాదయాత్ర నిర్వహణ బాధ్యతలను వెంటగిరి ఎమ్మెల్యే ఆనం రామనారాయణరెడ్డి భుజానికెత్తుకొని భారీ ఏర్పాట్లు చేస్తున్నారు.
