Holi offer from Jio: మీరు జియో యూజర్లా?.. ఇప్పుడు రీచార్జ్ చేసుకుంటే ఎన్ని లాభాలో తెలుసా?

న్యూఢిల్లీ: దేశంలోని అతిపెద్ద టెలికం సంస్థ జియో(Jio) హోలీ(Holi)ని పురస్కరించుకుని అత్యద్భుతమైన రీచార్జ్ ప్లాన్‌ను ప్రకటించింది. అపరిమిత కాలింగ్, డేటాతో వస్తున్న ఈ ప్లాన్‌తో జియో చందాదారులు పండుగ చేసుకోవచ్చు. ఈ ప్లాన్‌ను రీచార్జ్ చేసుకోవడం ద్వారా కాలింగ్, ఇంటర్నెట్ అవసరాలను నెరవేర్చుకోవచ్చు. అంతేకాదు, ప్లాన్ ధర కూడా అందరికీ అందుబాటులో ఉండడం మరో విశేషం. మీరు ఊహించనంత చవగ్గా లభించే ఈ ప్లాన్‌ను ఆలస్యం చేయకుండా రీచార్జ్ చేసుకోవడం బెటర్.

ఈ ప్లాన్ కాలపరిమితి 28 రోజులు. అతి తక్కువ ధరతో అద్భుతమైన ప్రయోజనాలున్న ఈ ప్లాన్ ధర రూ. 299. ఈ ప్లాన్‌లో 56జీబీ డేటా లభిస్తుంది. అంటే రోజుకు 2జీబీ అన్నమాట. ఈ డేటాతో రోజువారీ ఇంటర్నెట్ అవసరాలను తీర్చుకోవచ్చు. అంతేకాదు రోజుకు 100 ఎస్సెమెస్‌లతోపాటు జియో టీవీ, జియో సినిమా, జియో సెక్యూరిటీ, జియో క్లౌడ్ వంటివి కూడా ఈ ప్లాన్‌లో లభిస్తాయి. ఈ హోలీకి ఈ ప్లాన్ మీకు మంచి ఆప్షన్ కావొచ్చు.