Sids Farm: ఏ2 దేశీ ఆవు నెయ్యిని విడుదల చేసిన సిద్స్ ఫామ్

హైదరాబాద్: తెలంగాణ కేంద్రంగా కార్యకలాపాలు నిర్వహిస్తున్న ప్రీమియం డీ2సీ డెయిరీ బ్రాండ్‌ సిద్స్‌ ఫామ్ (Sids Farm) ఏ2 దేశీ ఆవు నెయ్యిని విడుదల చేసినట్టు తెలిపింది. గతేడాది ఆగస్టులో ఏ2 దేశీ ఆవు పాలు విడుదల చేసిన సిద్స్ ఫామ్ అపూర్వ స్పందన అందుకుంది. ఈ నేపథ్యంలో తాజాగా ఏ2 దేశీ ఆవు నెయ్యిని అత్యంత సరమైన ధరతో విడుదల చేసింది. 350 గ్రాముల ధరను రూ. 999కే అందుబాటులోకి తీసుకొచ్చింది. హైదరాబాద్‌లో పలు స్టోర్లలో ఇది అందుబాటులో ఉంది. అలాగే, పాలు, పన్నీరు, పెరుగు, నెయ్యి, వెన్నను కూడా సిద్స్ ఫామ్ ఉత్పత్పి చేస్తోంది.

ఆవు నెయ్యి విడుదల సందర్భంగా సిద్స్ ఫామ్ వ్యవస్థాపకుడు, ఎండీ డాక్టర్ కిశోర్ ఇందుకూరి మాట్లాడుతూ.. ఏ2 దేశీ ఆవునెయ్యిని విడుదల చేయడం ద్వారా సిద్స్ ఫామ్ ఆర్గానిక్ ముందడుగు వేసినట్టు చెప్పారు. భారతీయుల వంటగదిలో ఇది ఉండాల్సిందేనని, ఇది జీర్ణశక్తిని మెరుగుపరచడంతోపాటు ఆరోగ్యాన్ని పెంపొందిస్తుందని అన్నారు. చక్కని నాణ్యతతో కూడిన ప్రీమియం నెయ్యికి మార్కెట్లో మంచి డిమాండ్ ఉందన్నారు. ఆ కారణంతోనే ఏ2 దేశీ ఆవునెయ్యిని వినియోగదారులకు అందించే ప్రయత్నం చేసినట్టు చెప్పారు.