Actress Vijayalakshmi: నన్ను వివాహం చేసుకొని మోసం చేశాడు.. సీమాన్‌ను అరెస్ట్‌ చేయాలి

- నటి విజయలక్ష్మి ఫిర్యాదు

ప్యారీస్‌(చెన్నై): తనను వివాహం చేసుకొని మోసం చేసిన నామ్‌ తమిళర్‌ కట్చి అధ్యక్షుడు సీమాన్‌ను అరెస్ట్‌ చేయాలని సినీ నటి విజయలక్ష్మి(Film actress Vijayalakshmi) ఫిర్యాదు చేశారు. స్థానిక వెపేరిలో ఉన్న గ్రేటర్‌ చెన్నై పోలీస్‌ కమిషనర్‌ కార్యాలయంలో సోమవారం ఉదయం పోలీస్‌ కమిషనర్‌ సందీప్‏రాయ్‌ రాథోడ్‌ను మర్యాద పూర్వకంగా కలుసుకున్న విజయలక్ష్మి ఈ మేరకు సీమాన్‌పై ఫిర్యాదు చేశారు. ఆమెతో పాటు తమిళర్‌ మున్నేట్ర పడై వ్యవస్థాపక అధ్యక్షురాలు వీరలక్ష్మి కూడా కమిషనర్‌ను సంప్రదించారు. అనంతరం విజయలక్ష్మి మీడియాతో మాట్లాడుతూ... తనను వివాహం చేసుకొని మోసం చేసిన సీమాన్‌ను అరెస్ట్‌ చేసే వరకు విశ్రమించబోనని, అవసరమైతే మహిళా సంఘాలతో కలసి పోరాడుతానని తెలిపారు. అనంతరం వీరలక్ష్మి మాట్లాడుతూ... 2008వ సంవత్సరం సీమాన్‌తో విజయలక్ష్మికి పరిచయమైందని, ఆ తర్వాత వారు వివాహం చేసుకున్న ఆధారాలు తన వద్ద ఉన్నాయని తెలిపారు.