Calories: ఈ పళ్లు తింటే కేలరీల భయమే ఉండదు!

కొందరు కేలరీలను కొలుచుకొని ఆహారాన్ని తింటూ ఉంటారు. ఒక చోట పదికేలరీలు ఎక్కువైతే.. వాటిని ఎలా తగ్గించాలా అని ఆలోచిస్తూ ఉంటారు. ఇలాంటి కేలరీ బాధలు లేకుండా తినగలిగే రుచికరమైన పళ్లను చూద్దాం..

యాపిల్‌: వందగ్రాముల యాపిల్‌లో 57 కేలరీలు మాత్రమే ఉంటాయి. అంతే కాకుండా దీనిలో మూడు గ్రాముల ఫైబర్‌ కూడా ఉంటుంది. అందువల్ల యాపిల్‌ తినటం వల్ల ఇబ్బందులేమి ఉండవు.

టమోటా: ఒక మీడియం సైజులో ఉన్న టమోటా తింటే 22 కేలరీలే వస్తాయి. దీనిలో ఎక్కువ నీరు ఉండటం వల్ల తక్కువ కేలరీలు ఉంటాయి.

స్ట్రాబెర్రీలు: 150 గ్రాముల స్ట్రాబెర్రీలలో కేవలం 50 కేలరీలు మాత్రమే ఉంటాయి. దీనిలో సీ విటమిన్‌ కూడా ఎక్కువే ఉంటుంది.

బొప్పాయి: 140 గ్రాముల బొప్పాయి తింటే 44 కేలరీలే వస్తాయి. బొప్పాయిని క్రమం తప్పకుండా తింటే జీర్ణశక్తి మెరుగుపడుతుంది.

పుచ్చకాయ: 150 గ్రాముల పుచ్చకాయను తింటే 56 కేలరీలు లభిస్తాయి. దీనిలో విటమిన్‌ సి కూడా ఎక్కువే ఉంటుంది.