Health: గ్లూటిన్‌ మనకు అవసరమా? అయితే ఈ విషయాలు తెలుసుకోండి
ABN , First Publish Date - 2023-09-18T12:16:34+05:30 IST
గోధుమ, బార్లీ వంటి వాటిలో గ్లూటిన్‌ అనే ఒక ప్రొటీన్‌ ఉంటుంది. కొందరికి ఈ ప్రొటీన్‌ పడదు. దీనిని తినటం వల్ల రకరకాల ఆరోగ్య సమస్యలు ఎదురవుతూ ఉంటాయి. అందుకే
గోధుమ, బార్లీ వంటి వాటిలో గ్లూటిన్‌ అనే ఒక ప్రొటీన్‌ ఉంటుంది. కొందరికి ఈ ప్రొటీన్‌ పడదు. దీనిని తినటం వల్ల రకరకాల ఆరోగ్య సమస్యలు ఎదురవుతూ ఉంటాయి. అందుకే ఈ మధ్యకాలంలో గ్లూటిన్‌ లేకుండా ఉన్న అనేక ఆహార పదార్థాలు అందుబాటులోకి వస్తున్నాయి. గ్లూటిన్‌ మన శరీరానికి అవసరమా? లేక గ్లూటిన్‌ లేని పదార్థాలు ఒక నెల రోజులు తింటే మన శరీరంలో ఎలాంటి మార్పులు వస్తాయి? అనే విషయాలను తెలుసుకుందాం.
గ్లూటిన్‌ పడనివారికి- అది ఉన్న ఆహారం తింటే తరచూ కడుపునెప్పి, కడుపు ఉబ్బరం వంటి సమస్యలు ఎదురవుతూ ఉంటాయి. కొందరికైతే చర్మ సంబంధ సమస్యలు కూడా వస్తాయి. ఒక నెల రోజులు గ్లూటిన్‌ లేని ఆహారం తింటే ఈ సమస్యలన్నీ తొలగిపోతాయి.
గ్లూటిన్‌ లేని ఆహారం త్వరగా జీర్ణమవుతుంది. కేలరీలు కూడా తక్కువగా ఉంటాయి. కేలరీలు తగ్గటం వల్ల కొందరు బరువు తగ్గే అవకాశం కూడా ఉంది.
గ్లూటిన్‌ వల్ల కొందరు శక్తిహీనంగా ఉంటారు. గ్లూటిన్‌ లేని ఆహారం తినటం వల్ల వారు శక్తిమంతంగా తయారవుతారు. చురుకుగా పనిచేస్తారు.
గోధుమలు, బార్లీ వంటివాటిలో విటమిన్లు, మినరల్స్‌ ఉంటాయి. వీటిని పూర్తిగా తినటం మానేయటం వల్ల విటమిన్‌ లోపం తలెత్తే అవకాశముంది.
