Cycling: సైకిలింగ్ వల్ల ఎన్ని ఉపయోగాలో..!
ABN , First Publish Date - 2023-06-22T14:52:14+05:30 IST
సైకిల్‌ తొక్కడం వల్ల శరీరం బ్యాలెన్స్‌ అవుతుంది. ముఖ్యంగా బరువు ఉండే వాళ్లు సైకిల్‌ తొక్కడం వల్ల తెలీకుండా కండరాల కదలిక జరుగుతుంది. కొవ్వుశాతం కరిగిపోతుంది. బరువు తగ్గుతారు.
ప్రతి రోజూ ఉదయం లేదా సాయంకాలం వేళలో సైకిల్‌ తొక్కడం వల్ల ఎన్నో ఉపయోగాలున్నాయి. నడవటం, పరిగెత్తడం కంటే సైక్లింగ్‌ చేయటానికి ఇష్టపడుతున్నారు ఆధునిక మహిళలు. సైకిల్‌ తొక్కడం ఆరోగ్యానికెంతో మేలు చేస్తుంది.
● సైకిల్‌ తొక్కడం వల్ల శరీరం బ్యాలెన్స్‌ అవుతుంది. ముఖ్యంగా బరువు ఉండే వాళ్లు సైకిల్‌ తొక్కడం వల్ల తెలీకుండా కండరాల కదలిక జరుగుతుంది. కొవ్వుశాతం కరిగిపోతుంది. బరువు తగ్గుతారు.
● శారీరక శ్రమ వల్ల శరీర అవయవాల మధ్య కో–ఆర్డినేషన్‌ బాగా అభివృద్ధి చెందుతుంది.
● ఇదో అద్భుతమైన ఫిట్‌నెస్‌ మంత్రం. సైకిల్‌ తొక్కితే బరువు తగ్గడమే కాదు శరీరంలోని టాక్సిన్స్‌ కరిగిపోతాయి. ముఖ్యంగా ఫిట్‌నెస్‌ పెరుగుతుంది. జీర్ణ ప్రక్రియ సాఫీగా జరుగుతుంది.
● అరికాళ్లు, పాదాలు, మోకాళ్లు గట్టిపడతాయి. కండరాలన్నీ యాక్టివేట్‌ అవుతాయి.
● సైక్లింగ్‌ను దినచర్యలా చేసుకుంటే శారీరక ఆరోగ్యంతో పాటు మానసిక ఆరోగ్యం పెరుగుతుంది. ఉత్సాహం వస్తుంది. పైగా బోర్‌లా ఫీల్‌ కారు. ఒత్తిడి, ఆందోళనలు తగ్గిపోతాయి. డిప్రెషన్‌ లాంటి లక్షణాలుంటే తొలగిపోతాయి.
● ముఖ్యంగా ఆత్మవిశ్వాసం పెరుగుతుంది.
● రోజుకు నాలుగైదు కిలోమీటర్లు సైకిల్‌ తొక్కితే రక్తప్రసరణ సాఫీగా జరుగుతుంది. దీని వల్ల గుండె ఆరోగ్యానికెంతో మంచిది.
● ప్రతిరోజూ సైక్లింగ్‌ చేస్తే.. వ్యాధినిరోధక శక్తి పెరుగుతుంది.
● శరీరరంలో కొత్త శక్తి వచ్చినట్లుండటంతో పాటు కణాలకు ఆక్సిజన్‌ అందటం వల్ల చర్మంలో మెరుపు వస్తుంది. యంగ్‌లుక్‌లో కనిపిస్తారు.
