Skin Beauty: వెనిగర్‌ను ఈ విధంగా ఉపయోగిస్తే..!
ABN , First Publish Date - 2023-06-07T14:27:14+05:30 IST
యాపిల్‌ సిడర్‌ వెనిగర్‌ను అనేక మంది సర్వరోగ నివారణిగా భావిస్తారు. కేవలం ఆరోగ్య సమస్యలను దూరం చేయటానికి మాత్రమే కాకుండా సౌందర్యపోషకంగా కూడా ఇది
యాపిల్‌ సిడర్‌ వెనిగర్‌ను అనేక మంది సర్వరోగ నివారణిగా భావిస్తారు. కేవలం ఆరోగ్య సమస్యలను దూరం చేయటానికి మాత్రమే కాకుండా సౌందర్యపోషకంగా కూడా ఇది పనిచేస్తుందని నిపుణులు పేర్కొంటున్నారు. ఒక స్పూను వెనిగర్‌ను మూడు స్పూన్ల నీటితో కలిపి రాసుకుంటే మంచి ఫలితాలు లభిస్తాయని వెల్లడిస్తున్నారు.
• యాపిల్‌ సిడర్‌ వెనిగర్‌ను చర్మంపై ఉన్న మృతకణాలను తొలగించటానికి వాడవచ్చు. దీనిని క్రమం తప్పకుండా ప్రతిరోజు రాస్తే– చర్మంపై ఉన్న మృతకణాలు తొలగిపోతాయి. దీని వల్ల నిగనిగలాడుతుంది.
• కొందరికి చర్మం జిడ్డోడుతూ ఉంటుంది. అలాంటి వారు యాపిల్‌ సిడర్‌ వెనిగర్‌ను రాసి మర్ధనా చేస్తే– రక్తప్రసారం సరిగ్గా అవుతుంది.
• ముఖంపై వచ్చే పొక్కులు. వాటి వల్ల వచ్చే మచ్చలు ఎక్కువ కాలం పోకపోతే– యాపిల్‌ సిడర్‌ వెనిగర్‌ ఒక మంచి మందు. దీనిని క్రమం తప్పకుండా రాస్తే– ఈ పొక్కులు, మచ్చలు తొలగిపోతాయి.
• కొందరు దీనిని సన్‌స్క్రీన్‌ లోషన్‌ మాదిరిగా కూడా ఉపయోగిస్తారు. సన్‌స్క్రీన్‌ లోషన్‌ బదులుగా దీనిని ఉపయోగించుకోవాలనుకొనేవారు– యాపిల్‌ సిడర్‌ వెనిగార్‌లో కొద్దిగా నీళ్లు కలిపి రాసుకోవాలి. దీని వల్ల ఎక్కువ ఫలితం ఉంటుంది.
