Road Terror: హైవేపై ఘోర ప్రమాదం.. కారులో చిక్కుకుని చిన్నారి సహా 7 మంది సజీవ దహనం

లఖ్ నవూ: ఉత్తర్ ప్రదేశ్(Uttarpradesh) రాష్ట్రంలో ఘోరం చోటు చేసుకుంది. కార్లో మంటలు చెలరేగడంతో డోర్లు లాక్ అయి 8 మంది సజీవ దహనం అయ్యారు. పోలీసులు తెలిపిన వివరాల ప్రకారం.. బరేలీలోని భోజిపురా సమీపంలోని హైవేపై(Road Accident) కారులో అకస్మాత్తుగా మంటలు చెలరేగాయి. ఆ సమయంలో కారులో ఓ చిన్నారి సహా 7 మంది ప్రయాణికులు ఉన్నారు. మంటలను గమనించిన ప్రయాణికులు కారు నుంచి బయటకి రావడానికి ప్రయత్నించారు.

సెంట్రల్ లాక్ లు ఆన్ కావడంతో ఎవరూ బయటకి రాలేని పరిస్థితి ఏర్పడింది. మంటలు మరింతగా చెలరేగడంతో కారులోనే 8 మంది సజీవ దహనం అయ్యారు. అయితే కారు ఎదురుగా వస్తున్న ట్రక్కును ఢీ కొట్టడంతోనే కారులో మంటలు చెలరేగాయని సీనియర్ సూపరింటెండెంట్ ఆఫ్ పోలీస్ సుశీల్ చంద్రభాన్ ధులే తెలిపారు. మృతులంతా వివాహానికి వెళ్తున్నారని తెలిపారు. ఘటనా స్థలానికి చేరుకున్న పోలీసులు కేసు నమోదు చేసుకుని దర్యాప్తు చేస్తున్నారు.