Gangster Shot Dead: పోలీసుల కళ్లలో కారం చల్లి...గ్యాంగ్‌స్టర్‌ను కాల్చిచంపిన దుండగులు

జైపూర్: రాజస్థాన్‌ (Rajasthan)లో గ్యాంగ్‌వార్ చోటుచేసుకుంది. పోలీసు కస్టడీలో ఉన్న గ్యాంగ్‌స్టర్ (Gangstar) కుల్దీప్ జఘిన (Kuldeep Jaghina)ను కొందరు గుర్తుతెలియని వ్యక్తులు బుధవారంనాడు కాల్చిచంపారు. ఒక హత్య కేసులో నిందితుడైన కుల్దీప్‌ను జైపూర్ జైలు నుంచి భరత్‌పూర్ కోర్టుకు తీసుకువస్తుండగా ఈ ఘటన జరిగింది. ప్రత్యర్థి గ్రూపునకు చెందిన దుండగులు తొలుత పోలీసుల కళ్లలో కారం చల్లి, గ్యాంగ్‌స్టర్‌పై కాల్పులు జరపడంతో అతను అక్కడికక్కడే మరణించాడు. జైపూర్ ఆగ్రా జాతీయ రహదారిపై ఉన్న అమోలీ టోల్ ప్లాజా సమీపంలో ఈ ఘటన జరిగిందని, తదుపరి విచారణ జరుపుతున్నామని రాజస్థాన్ డీజీపీ ఉమేష్ మిశ్రా తెలిపారు.

భరత్‌పూర్ కాల్పుల ఘటనలో అగంతకులు ఉపయోగించిన వాహనాలను సమీప గ్రామంలో పోలీసులు స్వాధీనం చేసుకున్నారు. బీజేపీ నేత క్రిపాల్ జఘిన హత్యకు ప్రతీకారంగానే కుల్దీప్‌ను ప్రత్యర్థి వర్గం మట్టుబెట్టినట్టు చెబుతున్నారు. 2022 సెప్టెంబర్ 4న క్రిపాల్‌‌ను ప్రత్యర్థులు కాల్చిచంపగా, ఆ మరుసటి రోజో ఈ హత్యపై ఎఫ్ఐఆర్ నమోదైంది.