Donald Trump Arrested : పోర్న్‌ స్టార్‌కు డబ్బు చెల్లింపుల కేసులో డొనాల్డ్‌ ట్రంప్‌ అరెస్ట్

న్యూయార్క్‌: అగ్రరాజ్యం రాజకీయ చరిత్రలో కీలక పరిణామం చోటు చేసుకుంది. పోర్న్‌ స్టార్‌ స్టార్మీ డేనియల్స్‌‌(Porn star Stormy Daniels)కు అక్రమ చెల్లింపుల కేసులో అమెరికా మాజీ అధ్యక్షుడు డొనాల్డ్‌ ట్రంప్‌ (Donald Trump)అరెస్ట్ అయ్యాడు. మంగళవారం మన్‌హటన్‌ కోర్టు(Manhattan Court)లో న్యాయమూర్తి ఎదుట లొంగిపోయిన ఆయనను పోలీసులు అదుపులోకి తీసుకున్నారు. ట్రంప్‌ కోర్టుకు హాజరైన నేపథ్యంలో న్యూయార్క్‌(New York)లో భద్రతను కట్టుదిట్టం చేశారు. ట్రంప్‌పై మొత్తం 30 అభియోగాలు మోపారు. అమెరికా కాలమాన ప్రకారం మధ్యాహ్నం 2.15 గంటలకు ట్రంప్‌ను కోర్టులో ప్రవేశపెట్టారు. నేరారోపణలకు క్రిమినల్‌ ఛార్జ్‌లను ఎదుర్కొంటున్న తొలి మాజీ అధ్యక్షుడిగా ట్రంప్‌ రికార్డుల్లోకి ఎక్కారు. అయితే ఈ కేసులో అరెస్ట్‌న డొనాల్డ్‌ ట్రంప్‌‌కు బెయిల్ వచ్చే అవకాశం ఉందని ఆయన తరపు న్యాయవాదులు అక్కడి మీడియాకు తెలిపారు. బెయిల్ వచ్చిన మన్‌హటన్‌ కోర్టు షరతులు విధించే అవకాశం ఉంది. 2024 ఎన్నికల్లో తిరిగి పోటీ చేయాలనుకున్న ఆయన కలకు తూట్లు పొడుస్తోంది. సుదీర్ఘ అమెరికా చరిత్రలో ఇంత వరకు ఒక అధ్యక్షుడు లేదా మాజీ అధ్యక్షుడిపై నేరాలు మోపిన సంఘటనలు లేవు.