Bomb Threat : ఢిల్లీ-పుణే విమానానికి బాంబు బెదిరింపు.. కొనసాగుతున్న తనిఖీలు..
ABN , First Publish Date - 2023-08-18T11:57:38+05:30 IST
దేశ రాజధాని నగరం ఢిల్లీ నుంచి మహారాష్ట్రలోని పుణేకు వెళ్లవలసిన విస్తారా విమానంలో బాంబు ఉన్నట్లు ఫోన్ కాల్ రావడంతో అధికారులు తక్షణం అప్రమత్తమయ్యారు. విమానం నుంచి ప్రయాణికులను, వారి లగేజ్‌ను హుటాహుటిన సురక్షితంగా దించేసి, ఆ విమానాన్ని ఏకాంత ప్రదేశంలోకి తీసుకెళ్లి, తనిఖీలు జరుపుతున్నారు.
న్యూఢిల్లీ : దేశ రాజధాని నగరం ఢిల్లీ నుంచి మహారాష్ట్రలోని పుణేకు వెళ్లవలసిన విస్తారా విమానంలో బాంబు ఉన్నట్లు ఫోన్ కాల్ రావడంతో అధికారులు తక్షణం అప్రమత్తమయ్యారు. విమానం నుంచి ప్రయాణికులను, వారి లగేజ్‌ను హుటాహుటిన సురక్షితంగా దించేసి, ఆ విమానాన్ని ఏకాంత ప్రదేశంలోకి తీసుకెళ్లి, తనిఖీలు జరుపుతున్నారు. ప్రస్తుతం ఢిల్లీ విమానాశ్రయంలో పరిస్థితి సాధారణంగా ఉంది.
ఈ బెదిరింపు ఫోన్ కాల్ జీఎంఆర్ కాల్ సెంటర్‌కు శుక్రవారం ఉదయం 11 గంటల ప్రాంతంలో వచ్చినట్లు అధికారులు తెలిపారు. విమానం నుంచి సురక్షితంగా దిగినందుకు ప్రయాణికులు ఊపిరిపీల్చుకున్నారు.
ఈ వార్త రాసే సమయానికి తనిఖీలు కొనసాగుతున్నాయి. మరిన్ని వివరాలు తెలియవలసి ఉంది.
ఇవి కూడా చదవండి :
Plane Crash : మలేసియాలో విమాన ప్రమాదం.. 10 మంది మృతి..
Indian Muslims : భారతీయ ముస్లింలపై గులాంనబీ ఆజాద్ వ్యాఖ్యలు.. బజరంగ్ దళ్, వీహెచ్‌పీ స్పందన..
