ఎల్టీటీఈ ప్రభాకరన్ కుమార్తె వీడియో కలకలం
ABN , First Publish Date - 2023-11-29T05:10:25+05:30 IST
శ్రీలంకలో ప్రత్యేక తమిళ ఈలం కోసం పోరాడుతూ, ఆ దేశ సైన్యం చేతిలో హతమైన ఎల్టీటీఈ అధినేత ప్రభాకరన్ జన్మదినం సందర్భంగా ఆయన je
చెన్నై, నవంబరు 28 (ఆంధ్రజ్యోతి): శ్రీలంకలో ప్రత్యేక తమిళ ఈలం కోసం పోరాడుతూ, ఆ దేశ సైన్యం చేతిలో హతమైన ఎల్టీటీఈ అధినేత ప్రభాకరన్ జన్మదినం సందర్భంగా ఆయన కుమార్తె ద్వారక పేరుతో సామాజిక మాధ్యమాల్లో విడుదలైన వీడియో కలకలం సృష్టిస్తోంది. ఆ వీడియోలో తమిళ ఈలం పోరు పరిసమాప్తం కాలేదని, మరింత దృఢంగా ముందడుగు వేస్తూ.. ప్రభాకరన్ లక్ష్యాన్ని సాధించి తీరుతామని ద్వారక శపథం చేసింది. ఈ వీడియో ఇప్పుడు తమిళనాట కలకలం రేపుతోంది. ఆ వీడియోలో ఉన్నది ద్వారకే అని తమిళ విమోచన ఉద్యమనేత పి. నెడుమారన్ ప్రకటించారు. 14 ఏళ్ల క్రితం చనిపోయిందనుకున్న ద్వారక మళ్లీ తెరపైకి రావటం ఆనందంగా ఉందని, ఇదే రీతిలో ప్రభాకరన్ కూడా త్వరలో ప్రజల ముందుకు వస్తాడని ఆకాంక్షిస్తున్నట్లు తెలిపారు.