Delhi Massive Fire: అజాద్‌పూర్ మార్కెట్లో భారీ అగ్నిప్రమాదం

న్యూఢిల్లీ: దేశ రాజధానిలో అతిపెద్ద హోల్‌సేల్ కూరగాయల మార్కెట్ అజాద్‌పూర్ మండి (Azadpur Market) లో శుక్రవారంనాడు భారీ అగ్నిప్రమాదం (Masssive Fire) చెలరేగింది. సమాచారం తెలిసిన వెంటనే 11 అగ్నిమాపక శకటాలు రంగంలోకి దిగి మంటలను అదుపు చేసాయి. ప్రస్తుతం కూలింగ్ ప్రోసెస్ జరుగుతోంది. ఈ ప్రమాదంలో ఎవరైనా గాయపడినట్టు కానీ, మరణించినట్టు కానీ సమాచారం లేదు.

నిత్యం రద్దీగా ఉంటే మార్కెట్లో సాయంత్రం 5.20 గంటలకు మంటలు రావడంతో 11 అగ్నిమాపక శకటాలను రప్పించి 6.30 గంటలకల్లా అదుపులోకి తెచ్చినట్టు అధికారులు తెలిపారు. కాగా, ప్రమాదానికి కారణం ఏమిటనేది ఇతమిత్ధంగా తెలియలేదు. టామాటాలు అమ్మే దుకాణం వెనుకనున్న చెత్తకుప్పలో మంటలు రావడంతో అది అంటుకుని, మార్కెట్‌కు విస్తరించినట్టు చెబుతున్నారు.