మోదీ బాలానందం

న్యూఢిల్లీ, నవంబరు 16 : అధికారిక కార్యక్రమాలతో నిత్యం బిజీబిజీగా ఉండే ప్రధాని నరేంద్ర మోదీ పిల్లవాడిగా మారిపోయారు. న్యూఢిల్లీలో తనను కలిసిన ఇద్దరు చిన్నారులతో సరదా ఆటలాడి ఆహ్లాదంగా గడిపారు. ఆటలో భాగంగా తన నుదుటిపై ఒక నాణేన్ని పెట్టుకున్న మోదీ. ఓ చేతితో తన తల మీద కొట్టుకుని మరో చేయితో ఆ నాణేన్ని పట్టుకుని పిల్లలకు చూపించారు. అనంతరం అదే ఆటను ఆ చిన్నారులతోనూ ఆడారు. కానీ, నాణేన్ని వారి నుదుటి మీద పెట్టకుండా ఆట పట్టించిన ప్రధాని.. నాణేం తన చేతిలోనే ఉందని చివరికి ఆ చిన్నారులకు చూపించారు. నా చిన్నారి స్నేహితులతో గడిపిన మరచిపోలేని క్షణాలంటూ ఇందుకు సంబంధించిన వీడియోను ప్రధాని మోదీ గురువారం తన ఇన్‌స్టాగ్రామ్‌లో పోస్టు చేశారు.